【親子餐廳推介】簡而美的尖沙咀Applegreen

此文已授權FamilyGo親子遊轉載, 連結: https://goo.gl/iAYa7b

👍特別推介：免費精美扭波波🎈

剛出社會做嘢時，價錢親民的Applegreen亦曾是一大班朋友gather 食飯既好選擇，後來唔知點解慢慢便無再去。早前已得知尖沙咀分店加入了兒童設施，但係直至最近先有機會去。

✨亮點一：兒童玩樂區
一入門口就見到我最Buy 既木製滑梯組合，雖然睇落無料到，但係less is more, 已足以讓小朋友玩足幾個鐘都唔捨得走!
(⚠️遊樂設施僅供身高80-110公分小朋友使用)

滑梯組合旁邊有梳發，絕對方便媽媽們邊睇小朋友邊暢談媽媽經。而後方亦另有靜態既圖書區。

✨亮點二：免費精美扭波波🎈
逢星期六日及公眾假期的BRUNCH時段 (中午12點至3點)，有專人免費扭精美卡通人物氣球俾所有小朋友，總共有4個款式, 包括ELSA, ANNA, 鬆弛熊等，大人見到都想要，絕不欺場!

✨亮點三：豐富兒童餐
雖然只有一款，但係這個要價$98的兒童餐份量十足，而且有齊意粉漢堡薯條同BROWNIE!! 真係十分有誠意! 大人餐點方面，意粉價位約$160起，而且只要ORDER左主菜，便可任食SALAD BAR。 沙律吧的食物選擇亦多，有湯， SALAMI，餐包及約6款不同沙律，而且有些更用上有機蔬菜，味道亦都唔錯! (提提你，100公分以下小朋友更可以免費享用沙律吧!)

⚠️ 要留意既係, 因為亦有些大朋友 (初小年齡) 會自行進出玩樂區，如自己的小朋友年齡較幼，便要小心，避免發生意外!
⚠️ 另外，玩樂區需要脫鞋進入，因此玩得興起時，有些小朋友便會赤腳游走玩樂區同用餐
區，本人便覺得稍為不衛生了。
⚠️ 本人不太察覺餐廳有育嬰室，因此感到有點美中不足!!

但總括來說，這仍是一間會放在我口袋名單的親子餐廳，因為佢鄰近九龍公園的這個位置實在方便，食飽又可以去下場玩了!

地址: 尖沙咀彌敦道172-174號太平洋大廈2樓2A舖 (約肯尖沙咀警署對面)
電話: 23122488

(以上資訊更新至撰文當日)