🎃萬聖節,

今日係🎃萬聖節, 每年呢一日嘅前夕，相信媽媽們都會費盡心思去打點小朋友的打扮服裝，尤其是如果小朋友已開始返學。 我曾經亦不例外，參與得不亦樂乎!

但呢兩年囡囡開始返幼稚園後，我反而免除了這個任務，因為👧 Valerie就讀的教會學校並不鼓勵慶祝萬聖節。昨日學校更派了一張通告回來介紹萬聖節的由來。

原來萬聖節🎃是天主教慶祝諸聖節日的前夕。每年嘅10月31號係塞爾特族人(即目前的蘇格蘭人、愛爾蘭人等)嘅年度豐收祭典, 象徵一年嘅結束以及新一年嘅開始。他們相信世人的生活其實由神明所主宰，而死亡之神😈Samhain會喺每年嘅今日晚同逝世者一起重返人間。所以今晚係惡靈力量最強嘅一日。傳說中，呢一日所有時空嘅法則都會失效，使得陰陽兩界合而為一，是遊魂出沒找替死鬼嘅唯一機會。

所以族人刻意用動物嘅頭或者皮毛造成的服飾打扮自己成鬼怪👹嘅模樣企圖嚇走鬼魂，免被找上變成替身鬼。

雖然以上只是傳說，現在已變成一年一度玩味十足既一日，更可以滿足小朋友天馬行空既想像力。唯一留意的，是糖果同時出沒，大家要節制享用，祝大家今日回憶滿載! 🎃