🔟 個讀N班既理由

踏入報名高峰期，可能你仍然諗緊遞唔遞表好。。。其實讀定唔讀，係好個人既決定，無話岩定錯，而且每個家庭既考慮因素都唔同，唔需要因大部分人有讀就自己小朋友都要跟住去讀。
.
不過，以下分享係見到

👧家姐Valerie 讀左一年N班後所見既成長。
.

1⃣ 同齡互動成長—“To be a better me ”
『大概兩歲開始，朋輩既互動是需要的，除咗開始學習融入群體，有朋輩影響下學野亦會更加快。到時，可能你會發現，點解肯屋企唔肯食既野肯學校就肯食？呢個就係朋輩既魔力!』
.

2⃣ 建立日程時序
『就算父母自己有幾自律都好，肯屋企總會比較寬鬆同包容，這是人之常情。但研究顯示固定既日程有助建立孩子既安全感同穩定情緒，因此可以借助學校既固定日程黎建立固定既作息表，按時入睡、起床及進食。』
.

3⃣ 適應群體規範
『係屋企，自己既寶貝係世界既中心，但出左家門口就無呢隻歌仔唱啦! 返學有助減輕公主王子病，慢慢引導BB，世界很大，我們都需要互相協助同合作。』
.

4⃣ 全面認知發展
『除非家長每日都有心有力帶住孩子上天下海，要不然，我相信學校是最能全面提供—德，智，體，群，美，不同發展需要既刺激俾小朋友既地方。』
.

5⃣ 系統性學習兩文三語
『兩歲開始係語言敏感期，香港既幼稚園普遍都有好好既粵英普課程，有系統地建立小朋友既語文基礎，除此以外，學校亦提供到使用語文既環境，有助孩子學習。』
.
同場加映: 全日班既優點

6⃣ 營養飲食
『香港既全日制和長全日制既幼稚園，大部分都有自家廚房，餐單亦由營養師設計，確保小朋友能夠攝取均衡營養，尤其是學校每日既湯水, 我自認無辦法日日都肯屋企煲!』

7⃣ 規律午睡習慣
『肯學校有固定既午睡時間, 每日至少個半兩個鐘, 培養良好睡眠習慣, 訓得飽, 放學返到屋企既情緒亦會較為穩定!』

8⃣ 增強自理能力
『全日制就會肯學校食同訓, 食飯無老師幫, 間接迫佢地自己食飯, 同朋友仔一齊食, 開心得黎又會食得多D, 暫時無甘揀飲擇食。』

9⃣ 減少進食零食的機會
『因為肯學校時間長左, 接觸零食誘惑既時間就相對短左, 不過一放學就開始食就例外啦...』

🔟 減少接觸電子產品的時間
『原理同上, 不過一放學就機不離手就...』
.
缺點: 要有心理準備

👎 初期建立抗拒力時容易打敗仗
『小朋友第一次離開屋企保護圈去返學, 一開始成日病係常態, train up 左D免疫力之後就會無甘易病架啦! 但就真係要有心理準備, N班係會成日缺課。』

👎 經濟負擔
『N班不納入免費幼稚園教育既資助範圍, 所以學費就要全額自付, 除左學費之外, 仲有書簿雜費, 茶點費, 校車交通, 校服上學用品等費用, 而且間間金額唔同, 都真係一筆唔少既負擔, 所以選擇學校時都要納入一拼考慮。』

👎 分離焦慮增風險
『呢一點亦相信係爭議較多既一點, 小朋友第一次離開屋企保護圈去返學, 一開始真係會有分離焦慮, 而且家長亦同樣會有! 雖則研究話3歲先讀書會無甘高風險, 但個人覺得更需要著眼既係家長如何處理自己同小朋友既分離焦慮：處理得好, 小朋友會更快及更順利甘適應同過渡。校方及網上資源甚多, 大家不仿多利用。』

總結: N班係一個提供群體玩樂既地方, 而唔係齊齊坐定定上堂, 亦要調較自己既期望, 唔係返左學就會學識十萬樣野返黎。學習路途漫漫長路, 給予適合既土壤, 耐心等候佢地慢慢成長!

希望呢篇分享幫到新手父母, 明白BB岩岩識行無耐, 已經要報學校, 實在好難想像BB已經準備去返學, 那種既不捨又無助既心情, 大家一起加油吧!!

#小B上學去 #N班讀唔讀 #babyvaleriewang

#01親子連結