贏在『生長線』- 滿月篇

家有學前兒的，父母除左千方八計甘想贏在起跑線，另一條同樣十分著緊既『線』，叫做『生長線』。

咩係『生長線』？
『生長線』係一個０－１００之間既數字，代表著１００個嬰兒/幼兒入面，你小朋友既身高體重(主要係體重)排名第幾。

這個數字由bb一出世就開始追，bb出世時越細粒，對呢個數字就越緊張。

我生左兩個細碼b, 懷孕時，自己唔長肉，但同時bb都無長肉。所以bb出世時，兩個都係零脂肪出世。生長線在10以下。

跟住頭一個月，都在追體重中度過。
幸好有了第一胎既經驗，今次就無甘大壓力，知道他們健康便可。雖然仍然羨慕別人既米芝蓮bb, 但亦學懂安慰自己，一對子女只係體恤我，唔想我生得甘辛苦，抱得甘辛苦。

寫呢篇分享出黎，就係想向同樣擁有細碼b既媽媽打打氣，唔使介意bb細粒，佢地健康便可以，人生流流長，建立左好既飲食習慣，就會慢慢長肉架啦。

我大囡由出世時只落肯5%生長線，後來仲跌出成個生長線，後來開始食固體，慢慢升，現在兩歲幾，已升返到25%，重到我抱唔郁，中間佢無食肥仔奶，無飲開奶茶，無特別補，但就好鍾意食。😅

所以媽媽們唔好氣餒，加油阿!

今日細佬滿月啦。
多謝媽咪，老公既全力支持同幫忙，先可以甘順利度過呢一個月。😘😘

Wyatt, happy one month old. 👶🎊

#育兒心得 #babywyattwang