孩子的生命 該由誰負責？

最近工作上忙到天昏地暗，但係今早打開Facebook, 迎面而來是又一則學生輕生的新聞，除了心痛，忍唔住又想加把嘴。

１９０日內有１９條生命自行結束，終於敲起社會的警鐘，各方人物，大家都跳出來講，怪發展商， 怪大財團，怪政府，怪教育局，怪學校，當然，還有怪父母。

大家都知道這場升學競賽有幾痴線，有幾不人道，但相關產業就越來越蓬勃，家長疲倦、無奈，但繼續投入地帶著孩子參與，富有體育精神。

仲使幾多專家出黎講，保持終生學習興趣先係最重要，但又有幾多家長夠膽唔報興趣班，唔補習，真係去自然學校，去home school, 願意只揀happy school, 讓孩子真係happy? 這條應該係『正路』，但在香港稱為『另類』，所要承受既質疑同壓力，不比主流少，甚至更多。

肯職場捱緊既父母，希望子女在競賽中成為人生勝利組，唔使好似自己一樣甘辛苦。被示為人生勝利組既父母，則催谷自己細路，就算唔青出於藍，也不要少於自己的成就。這些犧牲了的生命能改變幾多制度，能喚醒幾多父母，還是媒體炒作過後又被大眾遺忘？

幾個月前我也很緊張升學，報了十多廿間n 班，一歲人仔就帶住佢一星期返五日唔同既playgroup. 一直到佢入左育嬰院我才開始慢慢反思。無論學前識背幾多唐詩，幾早識唱英文兒歌，其實那些都是唸口黃，只是讓父母開心，可以炫耀，但在佢真係明白字的應用前都不能內化，成為自己既知識。

現在我仍相信，孩子的發展是需要適當的刺激，但不是單向式，是給予多元環境讓其探索，沉住耐性讓其自行發掘知識的樂趣。看到她每日都發現新大陸，那種感覺更有驚喜。雖然有時我仍會焦慮，她的發展是否比人慢，但也學著給予耐性，只供養分，讓她自己慢慢吸收，用自己既步伐陪著她成長。

社會變遷得快，未來如何發展，無人會知，但至少我只想給予孩子我曾經歷過的快樂童年。猶記得在美國時，小學考試前，老師出信俾家長，唔好特別溫書，教孩子作答時要信自己直覺，上午考完試，下午就係休息開party, 有pizza, 有棉花糖，考幾多日，就開幾多日派對，考試甘開心，無小朋友係唔鍾意考試。

我不敢奢望香港有外國既環境, 但希望至少自己能不受大環境既影響，相信自己既孩子有自我茂盛既能力。我只期望佢長大有自我搵食既能力，做自己喜歡既事，為社會帶來正面既貢獻，甘我地就可以功成身退。

在此記之。

相片: 21個月，學識自己著褲。
#babyvaleriewang #育兒心得