台灣遊記系列～即興高鐵遊

如果在台灣想去台北以外的地方玩，可以坐旅遊巴，可以坐火車，可以坐的士，但最方便快捷莫過於坐高鐵。

當坐巴士、火車要５個鐘先到高雄，坐高鐵只需不到兩個鐘，最適合坐唔定既學前兒童。

今次我地行程中就安排左坐高鐵去高雄玩，而更臨時起興去了台中一日即日來回。

唔講唔知，高鐵飛除左可以上網訂，車站買，仲可以在總有一間肯附近的７ eleven或全家便利商店買到 (高鐵站內分店除外)。 而且可以買即時班次，亦唔使再換飛!!

步驟一:
肯便利商店搵部多用途自動售票機(7 eleven 叫 ibon或 全家叫 FamiPort， 通常肯部影印機隔離，除左買車飛，仲可以買遊戲點數，演唱會飛。。。等等等等)

步驟二:
選擇要乘搭的班次，數量，然後列印一張憑證，拿著憑證肯收銀處俾錢，俾完錢就會拎到一張長型收據甘既車票。 (每張車飛，便利商店會收取10台幣服務費)

步驟三:
拎著長型車票就可以直接入閘，車票上有個QR code, 入出閘時只要將個QR code 對住個reader 就可以成功入出閘，真係大鄉里出城，第一次用時，真感到新奇。

高鐵育兒設施:
高鐵車廂內有換片板，亦有餐車可以買麵包，三文治等, 空間大致很乾淨舒適。

值得留意係，如果想在台北車站推嬰兒車坐電梯去高鐵站月台，就記住唔好去入閘樓層 (會比較麻煩), 相反，要去大堂個層(即地面那層)，搵高鐵服務櫃台，直接去月台的電梯在其對面，有工作人員會幫你檢查車票及帶你去月台。方便好多架!

下次去台灣就可以衝出台北啦!

相片攝於 台中東海大學

#親子遊記

(以上資訊更新至撰文當日)