台灣遊記系列《就在台北101附近的免費學前Play room-- 信義親子館》

對讀者, 支持者很抱歉, 天氣太凍, 連新文章的產生速度都變慢了不少！

今次繼續介紹台北好玩的親子旅遊點! 台北市一直有一大德政, 就係在每個行政區設立一個『親子館』, 我們可以理解為 "免費Play room", 現在在全個台北地區有13個親子館, 面積大就唔使講, 而且每間各有特色, 有些更有準幼稚園老師幫忙帶唱遊活動及講故事環節, 亦有社工及專業人士駐場與新手父母交流育兒經, 或初步檢定幼童是是否有特殊需要，而這一切完全免費, 連遊客都可以參加!!

舊年有機會在台北住上幾個禮拜, 我差唔多日日去唔同既親子館『踢館』，但都係玩唔晒!! 攪到我現在肯香港完全對要付費既Playroom完全無興趣, 真係俾台北縱壞晒! XD

最近蘋果都有介紹: http://hk.apple.nextmedia.com/…/travel/art/20160114/19450269

詳細介紹今次推介既『親子館』之前，同大家介紹下一些基本概念。
1. 入場費用：免費。
2. 入場資格: 6歲以下(如果足左六歲但未讀小一都可以入場, 最好有證件肯手support, 亦有些館會註明只可以3歲以下小朋友入場, 最好預約前睇清楚!)

**留意返, 入場一定要有陪同既大人(滿20歲以上), 而每名兒童至多只可以有2位成人陪同。

3. 親子館開放時間
週二到週五，第一場9:30-12:00、第二場14:00-17:00；
週六至週日，第一場9:30-11:00、第二場13:00-14:30、第三場15:30-17:00

留意逢星期一及台灣的公眾假期都會關閉!

而一般每場僅開放25-30對親子入場 (每個館不同), 一般只開放5對親子現場登記, 所以最好要先預約, 同埋唔好遲到, 因為遲到超過15分鐘便會將你的預約名額釋出俾現場walk-in.

仲有仲有!! 記住最遲要肯去玩既前一日預約, 館方不接受當日預約架!

預約網址: https://parent-child.taipei/… (要先登記做網路會員)

4. 網路會員點完成登記
建立會員資料完成後，請提供網站管理人員兒童資料，始可開始預約。兒童資料包含：1.兒童姓名2.性別3.護照號碼 4.出生年月日。請電洽02-2748-6008分機1或E-mail：pcc@cwlf.org.tw提供。

5. 記住大人, 細路都要著襪
基於安全及衛生, 大人細路都必需著襪入場。雖然場館外通常都有自動售賣機, 但係最好就自備最方便啦!

6. 育嬰設施
基本上每個場館都有哺乳室, 換片設備, 供小朋友食茶點的空間, 及冷熱水提供, 而且各個館都有劃出專為2歲以下寶寶, 甚至初生適宜的玩樂空間, 絕對是Baby-friendly!

《就在台北101附近的免費學前Play room-- 信義親子館》
今次特別推介呢個『信義親子館』, 因為絕對係遊客方便之地! (很多親子館都位於住宅區內, 但呢個就在鬧市中心! )

** 特色之處**
1. 有貼紙房: 小朋友最愛玩貼紙, 呢度有間房俾你任貼貼紙在牆上, 絕對過癮!

2. 本身亦是旅遊景點: 親子館由眷村改成 (眷村係國民黨初到台灣時, 建給俾國民黨兵官的住宅區, 很有歷史氣息, 是影相的好地方, 現在已變成市集!!) 附近亦是誠品區 (Shopping 好地方!)

遊玩攻略: 揀選周末探訪, 親子館約30分鐘前可以開始排現場登記, 遊訪完眷村(有個小型博物館), 再去排隊 (可以拎現場提供的小板凳坐著排), 邊排邊餵飯(奶), 食飽就可入場玩!!

3. 有木波波池: 真係首見, 好有質感!

其他親子館介紹:
文山親子館：交通不太方便，但有大型車車及兩歲以上才能玩的跳跳床
大安親子館：大推，比較適合大孩子，但有科學區，勞作區，玩水區，很大，內容很豐富, 有Kinetic Sand 玩。
松山親子館: 專為0-3歲的空間, 很適合小小孩去玩!

其實只要打入親子館, 便有很多台灣媽媽詳細介紹各分館, 可以睇完介紹先決定!

下次去台北, 可以去試下呢個免費的景點啦!

#親子遊記

(以上資訊更新至撰文當日)