兩日一夜小旅行: 即興去澳門
學校開始放假(Valerie 返緊育嬰院)，我將工作趕起後，用了一個早上做資料收集加訂酒店船飛，執埋行李，第二日便出發!
澳門不是一個陌生地方，大家總會去過，但係今次好唔同，主角係歲半Valerie, 入唔到賭場，亦唔係樣樣岩食，甘有咩好做呢?
今次雖然安排倉促，但係都甚為滿意，重點係唔貪心，同景點有特色，甘就大家都深刻。 今次去程坐十點半船，選擇入住於金莎城中心，到後食過午餐就等check in.
記住Check-in 時要順便訂埋位!
《景點一：『夢工場明星巡遊』》 Check in 完便去等肯金莎城每日準時四點舉行的『夢工場明星巡遊』，起點位於二樓育嬰室附近(以我所知整個金莎城中心只得一個育嬰室)，大概馬莎門口，巡遊隊伍會巡晒商場二樓一週，但係我建議肯馬莎門口的三叉位睇是最好，其實規模不大(公仔有史力加，功夫熊猫，馬特加斯加。。等), 但勝在免費!
巡遊開始前，巡遊車已放在外面，可以自由影相。
巡遊規模不大, 但勝在免費!
《景點二：威尼斯人 －感受白色聖誕睇運河》 睇完巡遊，金莎城中心有條天橋可以直接行過去威尼斯人，十分方便。 聖誕期間更不定時有假雪，可以一嘗白紛飛的感覺。 行完外圍便入內睇運河，運河比想像中短，但已夠令學前兒感到興奮，兼可以跑百米追住船尾。
雪花紛飛的威尼斯人。
肯運河睇船很興奮。
《景點三：夜遊大三巴》 大三巴大家通常都白天去，但係現在去到一月初是澳門光影節，晚上六至十時，每半小時會有燈光效果投射到大三巴上，別具風味。 建議可以行到牌坊前的廣場睇，雖然要仰高頭睇，但廣場地方大，可以俾小朋友落地周圍走，順便放下電。 其實整個議事庭廣場範圍有多處地方有燈光表演，加上聖誕裝飾，充滿節日氣氛，到處都是影相位！
充滿聖誕氣氛的議事庭廣場。
別具風味的大三巴。
《景點四－餐廳推介－番茄屋》 無意中在大三巴附近搵到間專做街坊生意的葡國菜餐廳，味道好，價錢親民。 佢個牛腩同薯溶馬介休係一定要試！
《景點五：『夢工場明星早餐』》 今次訂的酒店package包呢個『夢工場明星早餐』，原價係$２６８位，自助早餐加同所有夢工場明星影相(包括史加加，功夫熊貓，馬達加斯加既電影角色)，整個自助餐時間係一個半小時。 一開始有半小時讓你安心食早餐，款式很多元，中西式連印度薄餅都有，呢個時間最好拎晒先，兼快快食，唔好搞其他野住，因為之後公仔一出場就好忙。 半個鐘後，公仔便一一出場，佢地會每枱過黎影相，而同時間台上亦有一些角色要上台排隊影。 一小時內可以同超過10個公仔影相，真係幾正! 影完相亦意味早餐完結，不過佢食物都收得慢，佢亦唔會趕你走，可以再快快醫一醫肚，食飽先走! 佢場內亦有專業攝影師，所以可以買相，一張$138. 最開心係我個酒店package有$300現金券回贈，我可以用黎買相，留下開心回憶! 我覺得呢餐絕對值回票價，唔使去環球片場都有公仔睇，而且有甘多個，真係大人細路都開心。
場地很有氣氛!
功夫熊貓豆沙包。
傻女只食左熊貓塊面 XD
出場時都會先來一段短短的歌舞, 再落台同每一枱朋友逐一影相。
集郵
但亦有一D只會肯台上等人上黎影相，所以要自己計好時間!
睇到目不轉睛。
小朋友大朋友都好開心!
後記- 溫馨攻略
1. 今次成個旅程都係用手提book , 酒店就係上返金莎城中心官網訂(比較下最抵)，連服務費及稅後約$1300, 已包Holiday Inn 雙人房一間，『夢工場明星早餐』兩大一小，及$３００現金券回贈(可用於金莎城中心商場，都好多舖頭可以用). 船飛就事前肯永安旅遊網上訂購，(應該係首次使用)買滿$300還有$30折扣。 【提提你，Turbo Jet 係有規定，一歲以上就需要船飛。】
2. 未滿十一歲兒童，入境澳門可以用兩種證件:
A. 未有護照既話就要申請回港證，用無相身份證加回港證出入境。
B. 如已辦護照，就用無相身份證加護照出入境。 不過安心起見，我會帶埋出世紙，以備需要查核母女關係 (得出世紙會列有父母姓名).
3. 食既方面，因為Valerie平時已跟大人食，所以我無特別準備，只帶齊佢既餐具，及盡量選擇無甘濃味既餐點。
(以上資訊更新至撰文當日)