一歲六個月又九天---西餐大賞一記
適逢我和先生的拍拖紀念日, 我們便去了我們的慶祝飯堂Peak Cafe Bar晚餐, 這間餐廳就在屋企附近, 食物質素不曾令我們失望, 雖然都算係fine dining, 但可能位於住宅區, 因此亦貼心準備兒童餐椅及膠餐具給小朋友使用.
但我們還是自備餐具5寶:
1. 防食物掉落地面的餐墊連膠兜
2. 有兜兜的圍兜
3. 很好(畢)的Cali bowl
4. 食物剪刀
5. 私家湯匙
我諗, 我感覺最幸福的事, 一定是能一家人一起慶祝.
而我這個才一歲半的女兒, 已經可以自己乖乖坐定定一個半小時享用晚餐, 除了要忙完幫她剪開食物及一直很克制自己的進食量(因為
我從引進副食品開始便盡量鼓勵她自行進食, 而她亦不負所望, 於一歲時已能完全自己進食一餐飯.
十四,十五個月大左右, 已能自己吹凍食物再放入口 (當然不是太熱的), 踏入十七個月左右, 基本上已跟大人一起食飯, 不需要再分開煮給她, 但米飯我是用正常雙倍水煮, 餸菜就不落鹽, 肉亦只用平時的一半調味料調味 (是的, 我們大人食得清淡左好多, 食下就慣, 亦健康點)
(註: 她現在已長出8隻牙, 包括大牙)
當然, 我亦經歷過, 地下滿是飯餸的日子, 我亦容許她用手食, 但我這個懶媽媽, 真的很開心不用餵她食飯, 可以放下飯碗便去做其他野, 或能夠一起同時享用美食...
多謝先生請食飯, 多謝女兒甘乖巧, 這餐飯, 我們一起乾杯了數次, 她食到我們賣左單仲仍不肯放下餐具, 湯飲剩一啖時會舉起個碗飲埋佢, 當我在分菜給她時, 她不浪費時間地把圍兜內的食物拎返出黎品嘗 (一點都不浪費)!
你真的很可愛阿, 雖然除了那5成熟的牛扒你無法跟我搶食外, 其他最好的都給你食去, 但我還是很開心能跟你一起享用晚餐, 你這個天生美食家, 我們會繼續帶你去食盡天下!! XD