兩日一夜親子遊: 一張金牛玩轉南區

這篇文章pend左將近一季之久... 暑假適逢Hubby轉工期間有幾日假，但係想出埠又book 唔到心水時間既機票，所以最後決定留港消費。 見到有blogger介紹南區酒店，加上諗住帶一歲既Valerie去海洋公園睇魚魚。 最後便促成了呢個小旅行。 今次我們選擇了星期一出發，因為Hubby堅持要有泳池，最後便揀了l'hotel Island South, 於兩周前上網訂購(比較過不同網站，最後於zuji不用$700便搞掂。)



 酒店於香港站有免費專車接送，拎埋suit case 出發，立即有渡假feel ! 

Check in 後小作休息便立刻去酒店泳池玩，泳池有一片小水柱作為深水池及嬉水池的分隔區，Valerie超愛在水柱區玩耍，而嬉水池只有0.3米深，她也可以自由在內玩耍。 泳池區並沒有沖涼設施但有大毛巾提供，因此只能包住回房間再來沖身。 酒店附近沒有太多餐廳，但酒店內的buffet在open rice 有很多好評，不妨一試。 


平時在家沒有電視看, 現在仲唔睇返夠本! XD

第二天早上，我們便乘搭酒店專車去海洋公園 (值得一讚)。因為hubby 生日，所以入場唔使錢(僅限持香港身份證人士), 但始終都仲係暑假，所以都幾多人，所以都建議早點去排隊買飛。 但係用二百幾蚊就可以一家三口入園玩真係好抵! 


當時做緊LINE 公仔主題活動!


另值得一提既係，午餐如果唔想等位或同人迫，最好事前先book 定位，今次我們揀了有得睇企鵝既冰極餐廳。唔好以為餐廳會好貴，園內餐飲都普遍貴，一個客飯都要$80港幣，相比餐廳都係$100蚊位，相差其實唔遠。 

  
企鵝餐廳, 企鵝任睇, 絕對值回票價!

因為帶住小朋友唔方便玩機動遊戲，所以都係睇下熊貓，睇下雀。而威威天地就是小朋友的天堂，有小火車，有旋轉木馬，有攤位遊戲，玩完唔夠仲有遊樂場釋放他們無限的體力，亦讓父母有機會再過多次童年。 




     
園內花絮

這次兩日一夜小旅行，一家三口，酒店加門票花費不用一千元 (酒店約$700+海洋公園門票約$250)。 但若有下次，我會建議大家安排去完海洋公園當晚入住酒店，甘就算玩到夜一夜，或曬到成身汗，都能即時沖涼叉電，舒適不少。

(以上資訊更新至撰文當日)